Тўхтаб туриш қоидаларини бузган ҳайдовчиларга онлайн чоралар кўрилиши бўйича дастурий таъминот «Чорсу» бозори атрофида синовдан ўтказилади

Тўхтаб туриш қоидаларини бузган ҳайдовчиларга нисбатан онлайн чоралар кўрилиши ҳақидаги дастурий таъминот синов тариқасида «Чорсу» савдо мажмуаси атрофида йўлга қўйилади. Бу ҳақда Тошкент шаҳар ИИББда бўлиб ўтган брифингда маълум қилинди.

Унда айтилишича, онлайн чоралар биринчи галда автоуловлар гавжум бўлган бозор атрофларини қамраб олади. Кейинчалик эса, ушбу синовни автобус бекатларида ҳам қўллаш кўзда тутилган.

Маълумки, «Чорсу» савдо мажмуаси қадимий ва гавжум бозорлардан саналади. Минг афсуски, бозор атрофида автомобиллар турар жойи етарли эмас. Синов ишга тушгандан сўнг, Тошкент шаҳар ҳокимлигига бу масалани ечиш бўйича фуқаролардан кўплаб мурожаатлар тушиши тайин.