Департаментнинг Нукус шаҳар бўлими ходимлари томонидан ўтказилган тезкор тадбир давомида Е.Алакўз кўчаси бўйлаб ҳаракатланиб бораётган 2 та Damas русумли автомашина тўхтатилиб, кўздан кечирилди. Бу ҳақда Бош прокуратура матбуот хизмати маълум қилди.
Текшириш давомида фуқаро Қ.Қ ҳеч қандай ҳужжатларсиз 2844 шиша «Қаратау» номли ароқни сотиш мақсадида олиб кетаётгани аниқланди. Унинг яшаш хонадони кўздан кечирилганда сотиш мақсадида сақлаб қўйилган умумий қиймати 233,9 миллион сўмлик жами 19687 шиша алкоголь маҳсулоти мавжудлиги аниқланиб, ашёвий далил сифатида олиб қўйилди.
Мазкур ҳолат юзасидан Қ.Қ.га нисбатан Жиноят кодексининг тегишли моддаси билан жиноят иши қўзғатилиб, тергов ҳаракатлари ўтказилмоқда.
Изоҳ (0)