Ўзбекистон—Хитой учрашувидан кейин ташкил қилинган матбуот анжуманида Эктор Купер иштирок этиб, ўз фикрлари билан ўртоқлашди, деб хабар беради ЎФА матбуот хизмати.
Бугунги ўйинда гол киритиш учун кўплаб вазиятларга эга бўлдик. Аммо фақат уларнинг биттасидангина унумли фойдаландик. Биз бу йўналишда кўпроқ ишлашимиз керак. Ўйлайманки, бу мусобақадан ўрин олган ўйинлар биз учун яхши тайёргарлик вазифасини ўтаб берди. Эндиликда хато ва камчиликларни таҳлил қилиб чиқамиз. Аввал ҳам айтганимдек, бор эътиборимиз Жаҳон Чемпионати саралашига қаратилган.Отабек Шукуровнинг жароҳати жиддий. Терма жамоамиз шифокорларининг хабар қилишича, Шукуров камида икки ойга сафдан чиқди.
Ўзбекистоннинг Хитойга қарши аввалги ўйинлари билан бугунги ўйинни солиштира олмайман. Мен аввалги ўйинларда терма жамоа бош мураббийи эмасдим. Аммо Хитой терма жамоаси таркибида янги футболчилар борлигини биламан. Каннаваро улар билан яхши жамоа шакллантира олишига ишонаман. Хитой ҳам биз каби бор эътиборини Жаҳон Чемпионати саралашига қаратган. Менимча, Қатар—2022 мусобақасига чиқиш учун Осиёдаги барча терма жамоалар қаттиқ кураш олиб боришади. Биз йўлланмани қўлга киритиш учун бор кучимизни ишга соламиз.
Эктор Купер, Ўзбекистон терма жамоаси бош мураббийи
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)