23 март куни АҚШнинг узоқ масофага қанотли ракеталар ва авиабомбаларни ташувчи учта B-52H Stratofortress стратегик бомбардимончиси бир неча соат фарқ билан Калининград вилояти яқинидан учиб ўтди. Бу ҳақда «Интерфакс» хабар берди.
Буюк Британиянинг Фэрфорд авиабазасидан парвозни амалга оширган бомбардимончилар Болтиқ денгизи устидаги халқаро ҳаво ҳудудига киришдан аввал Нидерландия ва Германия ҳудудидан ўтган. Кейин улар Польша қирғоқлари бўйлаб Калининград вилояти томон учган.
АҚШ бомбардимончилари Калининград вилоятининг денгиз чегарасидан тахминан 160-170 километр узоқликда йўналишни шимолий-шарқий томонга ўзгартириб, Болтиқ денгизи устидан парвозни давом эттирган. Сўнг Швециянинг Готланд ороллари атрофида айланиб, яна Буюк Британиядаги базага қайтиб келган.
Кузатувчилар фикрига кўра, АҚШ бомбардимончилари Калининград ҳудудидаги марраларга зарба беришни машқ қилган.
Изоҳ (0)