Норвегия пойтахти Осло шарқида жойлашган Brynseng янги бошланғич мактаби ўқувчиси тўрт нафар ўқитувчини пичоқ билан жароҳатлади, деб хабар бермоқда «Корреспондент.net».
Дастлабки маълумотларга кўра, бошланғич синф ўқувчиси мактаб ошхонасида нон кесиш учун мўлжалланган пичоқ билан ўқитувчиларга ҳужум қилган.
«Тўрт нафар мактаб ходимларига зарур тиббий ёрдам кўрсатилди, таълим муассасаси ҳудудида полиция гувоҳлар билан суриштирув ишларини олиб бормоқда», — дея қайд этди полиция ходими.
Кўп ўтмай, полиция вакили Арве Реттеруд ўқитувчиларнинг енгил жароҳат олганлигини хабар қилди.
Оммавий ахборот воситалари бу ҳодисанинг айбдорини «аллақачон ҳибсга олинган ёш болакай» дея таърифлади.
Изоҳ (0)