Нидерландия прокуратураси баёнотига кўра, Утрехтда отишма уюштирган эркакнинг машинасидан у ҳақиқатан ҳам террорчи бўлиши мумкинлиги ҳақидаги далиллар топилди. Бу ҳақда «Газета.ru» хабар бермоқда.
Прокуратура маъумотларига кўра, терговчилар ўқотарнинг автомобилидан хат топган, унинг мазмунидан келиб чиқиб, ҳужумнинг террористик ҳаракат эканлиги тахмин қилинмоқда.
Бироқ, прокуратура баёнотида айтилишича, полиция содир бўлган воқеа бўйича бошқа вариантларни ҳам кўриб чиқмоқда.
Бундан ташқари, ушбу ишда асосий гумондор ҳисобланган Гёкмен Таниш қурбонлар орасидан кимнидир билган-билмаганлиги аниқ эмас.
Аввалроқ, 18 март, душанба куни Утрехтдаги трамвай бекатида кимдир ўқ узганлиги ҳақида хабар берилган эди. Отишма натижасида уч киши ҳалок бўлган, беш киши жароҳатланган. Танишдан ташқари яна икки киши ҳибсга олинган.
Изоҳ (0)