Қозоғистон президенти Нурсултон Назарбоев истеъфога чиқишини маълум қилди, деб ёзади «РИА Новости».
Президентлик ваколатларидан воз кечиши ҳақидаги баёнотни у халққа мурожаати чоғида берди.
«Бу йил мамлакатнинг олий раҳбари лавозимини эгаллаб турганимга 30 йил тўляпти. Мен мустақил Қозоғистоннинг биринчи президенти бўлишдек буюк шарафга эришдим», — деди Назарбоев.
Ўз ютуқларидан бири сифатида у Қозоғистон Республикаси «замонавий демократик давлатини яратганлиги»ни айтиб ўтди.
Президент сайловларигача давлат раҳбари вазифасини вақтинчалик парламент сенати спикери Касим-Жомар Токаев бажаради.