Индонезияда 74 та ўқ жароҳатидан тирик қолган урғочи орангутан топилди, деб ёзади «Газета.ru».
У Ачех пронвинциясидаги маҳаллий фермалардан бирида пневматик тўппончадан ўққа тутилган.
Урғочи орангутан боласи билан плантациялардан бирига кирган. Плантация эгаси уларни хавфли деб ҳисоблаб ўққа тутган. Орангутан боласи ўқдан олган жароҳатлари туфайли ҳалок бўлган.
Hope (Умид) деб лақаб қўйилган урғочи орангутан эса реабилитация қилиш учун ҳайвонлар парвариш қилинадиган марказга олиб кетилган.
Орангутанлар йўқолиб кетиш арафасида бўлган ҳайвон бўлиб, дунё бўйича улар атиги 100 мингта қолган.