Ижтимоий тармоқлардаги трендлар: Янги Зеландиядаги даҳшат. Ички ишлар ходимларининг янги формаси. Китоб ўқиш бўйича рекорд қўя оламизми?
Ўтган ҳафта ижтимоий тармоқнинг ўзбек сегментида кўп муҳокама қилинган мавзулар ва энг яхши пост, изоҳлар билан навбатдаги дайжестимизда таништиришни бошлаймиз.
Ижтимоий тармоқда нафақат ўзбекистонликлар, балки бутун дунёни титратган воқеа бу Янги Зеландияда жума куни содир этилган даҳшатли террорчилик ҳаракати бўлди. Бир неча террорчи жума куни икки масжидга қуролланган ҳолда кириб, у ерга ибодат учун келган намозхонларни шафқатсизларча отиб кетиши натижасида 50 нафарга яқин инсон ҳалок бўлди. Бу воқеаларга бутун дунё ўз муносабатини билдирди. Террор номига лаънатлар ўқилди. Инсонлар динидан ва ирқидан қатъий назар терроризмни қоралаб, мусулмон биродарларга ўз ҳамдардликларини билдириб, улар билан бирга эканлигини айтди. Қуйида ушбу воқеаларга доир муносабатлардан ҳаволалар келтирамиз.
Энг: This was left of the entrance of Husby mosque today. Beautiful act from our Christian friends.
Ўзб: Олдимиздаги Masgid Husby масжиди олдига гул қолдириб кетишибди ушбу хат билан. Одам севинди буни кўриб:
«Мусулмон ака-опаларга: Янги Зеландиядаги террор амалиётидан қаттиқ қайғудамиз. Ўзаро фарқларимизни қабул қилган ҳолда бу дунёда бирликда яшашимиз насиб қилсин.
Голландияда яшайдиган Янги зеландиялик бу бола кеча жума намозига гул кўтариб келиб, кўзида ёш билан мусулмонлардан узр сўрабди. Видеони қуйидаги ҳаволада кўришингиз мумкин.
Ҳар қандай террор ҳужумидан мақсад одамларда қўрқув уйғотиш ва бу қўрқувнинг узоқроқ ва таъсирлироқ бўлишига эришишдир. Янги Зеландиядаги террор ҳужумини видеога олиб, тарқатишдан мақсад ҳам шу. Ўша видеони кўчирволиб тарқатиб, турли гуруҳларга ташлаётганлар ўша террорчининг мақсадига хизмат қилишяпти. Бошни ишлатинглар, бунчалик лақма бўлиш керакмас.
Тасодифан бирор ерда кўрсангиз майли, яна уни тарқатиб роҳат оласизларми?
15 март куни мудҳиш воқеадан кейин австралиялик исломофоб, сенатор Фрейзер Эннинг «мусулмонлар ўлгани билан уларнинг айблари камайиб қолмайди, одатда улар жиноятчи бўлади», деган эди. Бугун ушбу гапларига изоҳ бераётган пайтда бир ўсмир бола унинг бошини тухум билан «чақиб» қўйди.
Ўзбекистон мусулмонлари идораси раиси, муфтий Усмонхон Алимов 15 март куни Янги Зеландиянинг Крайстчёрч шаҳридаги иккита масжидга миллатчи, террорчиларнинг бостириб кириб, намозхонларни ўққа тутиши оқибатида юз берган фожиа қурбонлари ҳаққига Қуръон тиловати қилишни тавсия қилди.
Фото: Facebook
Террорнинг миллати йўқ, дини йўқ, у барча даврда, барча халқ ва дин кишилари томонидан лаънатланади. Ушбу жирканч террористик ҳужум дунёни яна бир бор терроризмга қарши бирлаштирганига гувоҳ бўлдик, илоҳим дунёда тинчлик бўлсин, бицин терроризм!
Ички ишлар ходимлари янги кийим олди
Ички ишлар ходимларининг янги формалари жамоатчиликка тақдим этилди. Ижтимоий тармоқда янги форма ҳақида турли қарашдаги постлар ёзилди.
Республика ёш ижодкорлар кенгаши Ўзбекистонни овқат борасида эмас, китобхонлик борасида Гиннеснинг рекордлар китобига киритиш ниятида лойиҳа бошлабди. Бу ҳақда кенгашнинг Telegram-канали хабар қилди.
«Менинг китобхон юртим» мегалойиҳаси ўз қаҳрамонларини чорлайди!
Дунёни китобинг билан забт эт, Ўзбекистон! «Ўткан кунлар»инг билан ёруғ келажакка юзлан!
10 апрель соат 17:00 да пойтахтимизнинг «Пахтакор» стадионига жам бўлиб, оламшумул воқеага ўзинг гувоҳ бўл!
Гиннеснинг рекордлар китобига Ўзбекистон номи муҳрланадиган кун минглаб ўзбекнинг бир сафда бўлишидан мағрурмиз!
10 апрель — Абдулла Қодирий таваллуд топган куни Тошкентда янги дунё рекорди ўрнатилиши мумкин!
Шу куни Абдулла Қодирийнинг «Ўткан кунлар» романи ўқилади ва энг кўп тингловчи аудиториясини йиғиш бўйича дунё рекорди янгиланади. Аввалги рекорд 2018 йил 3 март куни Ҳиндистонда ўрнатилган. Махараштра штатидаги рекордда 6 минг 786 нафар китобхон иштирок этган.
Рекорд иштирокчиси бўлинг ва китоб ўқиш, уни тинглашни тарғиб қилинг!
Ўзбекистон туризми яна Европа футболида реклама қилинди
Биламизки, метронинг «Амир Темур хиёбони» ва «Пахтакор» бекатларида вагондаги опа ёш болали, ногирон ва ёши катта йўловчиларгаларга жой беришни таклиф этади. Илтимос, шу жойга «Ўғил болалар, жентлмен бўлиб, қизларга ҳам жой беринглар» деб қўшиб қўйсин. Раҳмат!
Telegram’да нима гаплар?
Блогер Нозим Сафари ўзининг Safari каналида яхши пост ёзибди.
«Хира мовий нуқта»
1990 йил 14 февраль куни Ердан 6 миллиард километр масофада Voyager 1 космик кемасидан олинган Ер сайёрасининг фотосурати.
Фото: Telegram
Суратдаги мана бу нуқтага эътибор билан қаранг. Худди шу ер, шу ер бизнинг уйимиз! Мана шу — биз! Яқин кишингиз, сиз таниган-билган, кўрган-эшитган — ҳаммаси шу ердан макон топган. Мутаассиб диндорлар, минглаб мафкураю иқтисодий таълимотлар, инсоният тарихида ўтган ҳар бир термачи-ю овчи, қаҳрамон-у қўрқоқ, тамаддунлар бунёдкори-ю вайронкори, олам сарвари аталмиш подшоҳ-у оддий бир деҳқон, ошиқ-у маъшуқ, ота-она-ю уларга умид тўла кўзларини тиккан фарзанд, машҳур ихтирочи-ю изланувчи, ахлоқ пешвоси-ю нобоп сиёсатчи, «супер юлдуз»у «олий раҳнамо» — барча-барчаси шу ерда — Қуёш шуъласида сузиб юрган гирдибодда умр кечиради.
Замин — улкан коинот бағридаги митти саҳна. Шон-шавкат ва ғалаба илинжида дарё-дарё қон тўккан генерал-у императорларни эсланг. Улар ана шу гирдибоднинг биргина заррасига оний фурсат эгалик қила олган, холос. Айни шу «нуқта»нинг бир пучмоғида умр кечирувчи инсонлар унинг бошқа томонида яшовчи ўзларидан деярли фарқ қилмайдиган турдошларига мислсиз зўравонликлар қилгани, улар ўртасида тушунмовчилик нақадар одатий ҳол эканини, бир-бирининг қонига қанчалар ташна бўлганию бир-бирига нафрати кўкка ўрлаганини бир мулоҳаза қилиб кўринг. Ана шу милтираб турган шуъла бу дунёдаги мунофиқлигу манманликларимиз, коинотдаги энг нуфузли мавқе бизга тегишли деган сохта тасаввурларимиз асосини ларзага келтирса не ажаб…
Изоҳ (0)