16 март, шанба куни футбол бўйича Англия Кубогининг 1/4 финали баҳсларига старт берилди.
Англия премьер лигасида етакчилик қилаётган «Манчестер Сити» сафарда «Суонси»ни синовдан ўтказди.
Ўйиннинг 20-дақиқасида мезбон жамоа аъзоси Метт Граймс ҳисобни очган бўлса, 29-дақиқага келиб Берсант Селина ҳисобни 2:0 кўринишига келтирди.
2-бўлимнинг 69-дақиқасида Бернарду Силва Серхио Агуэро узатган тўпни «Суонси» дарвозасига жойлаб қўйди ва орадаги фарқни қисқартирди (2:1). 78-дақиқада эса Кристоффер Нордфелдт ўз дарвозасини ишғол қилиб қўйди, натижада ҳисоб тенглашди (2:2). Орадан 10 дақиқа ўтиб «шаҳарликлар» ҳужумчиси Серхио Агуэро гол уриб, жамоасига ғалаба келтирди.
Шу тариқа «шаҳарликлар» қийин кечган баҳсда «Суонси»ни 3:2 ҳисобида мағлубиятга учратди ва мусобақанинг ярим финали йўлланмасини қўлга киритди.
Шу куни Оле-Гуннар Сульшер қўл остидаги «Манчестер Юнайтед» клуби меҳмонда «Вулверҳэмптон» билан баҳсга киришди.
Учрашувда Рауль Ҳименес (70) ва Диого Йoтa (76) томонидан киритилган голларга манчестерликлар Маркус Рэшфорднинг (90-дақиқада) голи билан жавоб қайтарди.
Шу тариқа «қизил иблислар» мусобақанинг чорак финалида «бўрилар»га ютқазиб қўйди ва кейинги босқичга чиқа олмади (1:2).
Англия Кубоги
16 март, шанба
«Уотфорд»—«Кристал Пэлас» 2:1
Голлар: 1:0 — 27 Капу, 1:1 — 62 Батшуайи, 2:1 — 79 Грай«Суонси»—«Манчестер Сити» 2:3
Голлар: 1:0 — 20 Граймс, 2:0 — 29 Селина, 2:1 — 69 Бернарду Силва, 2:2 — 78, автогол, Нордфелдт, 2:3 — 88 Агуэро«Вулверҳэмптон»—«Манчестер Юнайтед» 2:1
Голлар: 1:0 — 70 Ҳименес, 2:0 — 76 Йoтa, 2:1 — 90 РэшфордЯнада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)