15 март, жума куни Швейцариянинг Ньон шаҳрида Европа Чемпионлар Лигаси 1/4 финалига қуръа ташлаш маросими бўлиб ўтди.
Унга кўра, Туриннинг «Ювентус» клуби 1/8 финалда «Реал Мадрид»ни мағлуб этган «Аякс» жамоаси билан ўйнайдиган бўлди.
Оле-Гуннар Сульшер қўл остидаги «Манчестер Юнайтед» эса Каталониянинг «Барселона» билан ярим финал йўлланмаси учун жанг қилади.
Маълумот учун, чорак финалнинг дастлабки ўйинлари 9—10 апрель, жавоб беллашувлари эса 16—17 апрель кунларига белгиланган. Ярим финал баҳслари эса 30 апрель — 1 май ҳамда 7—8 май кунлари ўтказилиши кўзда тутилган. Жорий йилги мавсум финали эса 1 июнь куни Мадриддаги «Vanda Metropolitano» стадионида бўлиб ўтади.
Мусобақанинг 1/4 финал жуфтликлари маълум бўлди:
- «Аякс»—«Ювентус»
- «Ливерпуль»—«Порту»
- «Тоттенҳэм»—«Манчестер Сити»
- «Манчестер Юнайтед»—«Барселона»
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)