16-mart, shanba kuni futbol bo‘yicha Angliya Kubogining 1/4 finali bahslariga start berildi.
Angliya premyer ligasida yetakchilik qilayotgan “Manchester Siti” safarda “Suonsi”ni sinovdan o‘tkazdi.
O‘yinning 20-daqiqasida mezbon jamoa a’zosi Mett Grayms hisobni ochgan bo‘lsa, 29-daqiqaga kelib Bersant Selina hisobni 2:0 ko‘rinishiga keltirdi.
2-bo‘limning 69-daqiqasida Bernardu Silva Serxio Aguero uzatgan to‘pni “Suonsi” darvozasiga joylab qo‘ydi va oradagi farqni qisqartirdi (2:1). 78-daqiqada esa Kristoffer Nordfeldt o‘z darvozasini ishg‘ol qilib qo‘ydi, natijada hisob tenglashdi (2:2). Oradan 10 daqiqa o‘tib “shaharliklar” hujumchisi Serxio Aguero gol urib, jamoasiga g‘alaba keltirdi.
Shu tariqa “shaharliklar” qiyin kechgan bahsda “Suonsi”ni 3:2 hisobida mag‘lubiyatga uchratdi va musobaqaning yarim finali yo‘llanmasini qo‘lga kiritdi.
Shu kuni Ole-Gunnar Sulsher qo‘l ostidagi “Manchester Yunayted” klubi mehmonda “Vulverhempton” bilan bahsga kirishdi.
Uchrashuvda Raul Himenes (70) va Diogo Yota (76) tomonidan kiritilgan gollarga manchesterliklar Markus Reshfordning (90-daqiqada) goli bilan javob qaytardi.
Shu tariqa “qizil iblislar” musobaqaning chorak finalida “bo‘rilar”ga yutqazib qo‘ydi va keyingi bosqichga chiqa olmadi (1:2).
Angliya Kubogi
16-mart, shanba
“Uotford”—“Kristal Pelas” 2:1
Gollar: 1:0 — 27 Kapu, 1:1 — 62 Batshuayi, 2:1 — 79 Gray“Suonsi”—“Manchester Siti” 2:3
Gollar: 1:0 — 20 Grayms, 2:0 — 29 Selina, 2:1 — 69 Bernardu Silva, 2:2 — 78, avtogol, Nordfeldt, 2:3 — 88 Aguero“Vulverhempton”—“Manchester Yunayted” 2:1
Gollar: 1:0 — 70 Himenes, 2:0 — 76 Yota, 2:1 — 90 ReshfordYanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)