2019 йилнинг 1 мартидан эътиборан Ўзбекистон божхона назоратида «яшил» ва «кўк» йўлаклар ишга туширилди, дея хабар беради Давлат божхона қўмитаси матбуот хизмати.
Янги тизимни тўлақонли амалга киритиш орқали «ялпи» божхона назоратини ўтказишдан воз кечган ҳолда, хавф профиллари ёки тасодифий танлов асосида товар ва транспорт воситаларининг божхона назорати қуйидаги йўлаклардан бирига йўналтирилган ҳолда амалга оширилади.
Ушбу тизим товарларни божхона расмийлаштируви юзасидан амалга ошириладиган божхона операцияларининг ўтказилишини тезлаштириш билан бир қаторда божхона тўғрисидаги қонун ҳужжатлари бузилишларини аниқлаш, прогноз қилиш ва уларнинг олдини олишда муҳим рол ўйнайди.
Шунингдек, ташқи иқтисодий фаолият иштирокчилари учун маъмурий тўсиқларни камайтиришга, божхона назорати хажмининг камайишига, сифатининг ошишига, ҳалол ташқи иқтисодий фаолият иштирокчиларини рағбатлантиришга хизмат қилади.
Тадбиркорлар эндиликда Давлат божхона қўмитасининг bojxona.uz сайти орқали божхона юк декларациясининг мақоми ҳамда унинг қайси йўлакка жойлаштирилганлиги тўғрисида реал вақт режимида маълумот олиш имкониятига ҳам эга бўлди.
Изоҳ (0)