Ўзини осган фарғоналик талаба, арзонлашган доллар, 1,6 фоизлик инфляция ва куннинг бошқа хабарлари

4 мартнинг эътиборга молик янгиликлари — «Дарё» дайжестида.

Фарғона Политехника институти талабаси ўзини осиб қўйди.

4 март куни Фарғона Политехника институти Қурилиш факультети 2-босқич талабаси И.Н.нинг институт ҳудудидаги дарахтга осилган жасади топилган.

***

Ўзбекистонда долларнинг расмий курси арзонлашди.

Ўзбекистон Республикаси Марказий банки хорижий валюталарнинг сўмга нисбатан янги қийматларини белгилади. Унга кўра, 1 АҚШ доллари — 8392,96 (-10,23) сўмга тенг бўлди.

***

Февраль ойида инфляция 1,6 фоизни ташкил қилди.

Ўзбекистон истеъмол бозорида товар ва хизматлар нархи февраль ойида ўртача 1,6 фоизга ўсди.

Бир ойда маҳсулотлар 1,8 фоизга, жумладан, озиқ-овқат маҳсулотлар — 2 фоизга, ноозиқ-овқат маҳсулотлари — 1,5 фоизга ўсган. Хизматлар 0,8 фоизга қимматлаган. Таққослаш учун: 2018 йилнинг февраль ойида товарлар нархи 1,2 фоизга, хизматлар — 0,7 фоизга ўсган.

***

Хонанда Лола Йўлдошева Instagram’даги саҳифасида обуначиларининг эркаклар ҳақидаги саволларига кескин жавоб қайтарди.

«Эр — золим одам ёки диктатор эмас. Сизнинг хўжангиз ҳам эмас. Турмуш ўртоғингиз сизнинг дўстингиз, ҳамкорингиз, фарзандларингизни отаси, севимли ва энг яқин инсонингиз», — деб ёзди у.

***

Чироқчида туғилган Шавкат, Миромон ва Мирзиёларнинг отасига Spark берилди.

Президент совғасини бугун, 4 март куни вилоят ҳокимлиги вакиллари ва туман ҳокими Рустам Жўрақобиловлар тантанали равишда топширган.