Хитой Канада ҳукуматининг Huawei молиявий директори Мен Ванчжоуни АҚШга экстрадиция қилиш жараёнини бошлаш тўғрисидаги қарорига кескин норозилик билдиради. Бу ҳақда Хитой Ташқи ишлар вазирлиги расмий вакили Лу Кан маълум қилди.
Аввалроқ Канада Адлия вазирлиги экстрадиция қилиш жараёнини расман бошлаган эди. Мен Ванчжоу экстрадиция иши бўйича судга 7 март куни келиши белгиланган.
«Бу жиддий сиёсий воқеа. Биз АҚШни яна бир бор ҳибсга олиш ҳақидаги ордерни бекор қилишга, Мен Ванчжоу хонимни экстрадиция қилиш қарорини қайтаришга чақирамиз ва уни дарҳол озод қилиб, Хитойга қайтиб кетишга рухсат беришни сўраймиз», — деб қўшимча қилган Лу Кан.
Изоҳ (0)