2018 йилнинг март ойида Буюк Британияда заҳарланган Россия Бош разведка бошқармаси (ГРУ) собиқ полковниги Сергей Скрипалнинг уйи хавфсиз деб эълон қилинди ва Уилцҳир графлиги расмийларига топширилди. Бу ҳақда Meduza хабар берди.
Солсберидаги уйни асаб тизимини зарарловчи «Новичок» моддасидан тозалаш ишлари деярли бир йил давом этган. Бино тўлиқ тикланиб, таъмирланганидан кейин фойдаланишга топширилади. Қайд этишларича, бу уй Airbnb’да ижарага қўйилмайди ва у сайёҳлар ташриф буюрадиган жойга айлантирилмайди.
Сергей Скрипалнинг уйидан ташқари, асаб тизимини зарарловчи «Новичок» моддаси сабаб хавфли деб топилган яна 11 та жой хавфсиз деб эълон қилинган. Улар қаторига Сергей Скрипал ва унинг қизи овқатланган Zizzi ресторани, шунингдек, улар ҳушсиз ҳолда топилган боғдаги ўриндиқ ҳам киритилган.
Мавзуга доир: Буюк Британия элчиси Скрипаллар тирик эканини маълум қилди
Изоҳ (0)