Дональд Трамп 22 ёшли америкалик талаба Otto Уормбирнинг ўлимига Шимолий Корея жавобгар эканини тан олди, деб хабар берди «Корреспондент.net».
Бу ҳақда АҚШ президенти Twitter’даги саҳифасида ёзиб қолдирган. «Албатта, мен Шимолий Кореяни Otto билан салбий муносабатда бўлганлик учун ва унинг ўлимига жавобгар деб биламан. Энг муҳими, у бекорга ўлиб кетгани йўқ. Otto ва унинг оила аъзолари узоқ вақт кучли ҳис-туйғу ва куч-қувват рамзи бўлиб қолади. Мен Ottoни яхши кўраман ва у ҳақда кўп ўйлайман», — деб таъкидлаган Трамп.
Шу билан бирга, Трамп КХДР етакчиси Ким Чен Инни АҚШ фуқаросининг ўлими учун жавобгар деб атамади.
Аввалроқ Трамп озод этилиши билан вафот этган америкалик талабага Шимолий Корея қамоқхонасида салбий муносабатда бўлишганини Ким Чен Ин билмаганини айтганди.
Эслатиб ўтамиз, 2017 йилда Пхеньян Шимолий Кореядаги меҳмонхонада тарғибот плакатидан бир бўлак йиртиб олгани учун 15 йилга ҳукм қилинган Otto Уормбирни АҚШга қайтарган эди. У озод қилинган вақтда кома ҳолатида бўлган. Америкалик шифокорларнинг маълум қилишича, йигит оғир бош суяк-мия шикастланишини бошидан ўтказган. Талаба қийноққа солингани борасидаги айбловларни Шимолий Корея асоссиз деб ҳисобламоқда.
Мавзуга доир: Тиббий экспертиза Otto Уормбирнинг ўлими сабабини аниқлай олмади. У КХДРдан қайтгач, бир ҳафтадан сўнг вафот этган эди, Шимолий Корея америкалик талаба қийноққа солинганини инкор қилди, КХДР қамоқхонасидан чиқиб вафот этган америкалик талабанинг оиласи 1 млрд доллар товон пули талаб қилди
Изоҳ (0)