Шуҳрат Тешаев Қишлоқ хўжалиги вазирининг биринчи ўринбосари этиб тайинланди. Бу ҳақда «Дарё»га вазирлик матбуот хизмати маълум қилди.
Шуҳрат Тешаев мазкур тайинловга қадар Фарғона вилояти ҳокимининг қишлоқ ва сув хўжалиги масалалари бўйича ўринбосари лавозимида ишлаб келаётганди.
Бундан аввал Пахтачилик илмий-тадқиқот институти Бош директорининг ўринбосари, «Пахта» илмий-ишлаб чиқариш бирлашмаси бош директори, Қишлоқ ва сув хўжалиги вазири сифатида фаолият юритган.
Қишлоқ хўжалиги вазирининг биринчи ўринбосари сифатида Тешаев пахтачилик, ғаллачилик, қишлоқ хўжалигини механизациялаштириш ва қишлоқ хўжалигининг сув ресурсларига бўлган эҳтиёжини таҳлил қилиш масалалари билан шуғулланади.
Изоҳ (0)