Shuhrat Teshayev Qishloq xo‘jaligi vazirining birinchi o‘rinbosari etib tayinlandi. Bu haqda “Daryo”ga vazirlik matbuot xizmati ma’lum qildi.
Shuhrat Teshayev mazkur tayinlovga qadar Farg‘ona viloyati hokimining qishloq va suv xo‘jaligi masalalari bo‘yicha o‘rinbosari lavozimida ishlab kelayotgandi.
Bundan avval Paxtachilik ilmiy-tadqiqot instituti Bosh direktorining o‘rinbosari, “Paxta” ilmiy-ishlab chiqarish birlashmasi bosh direktori, Qishloq va suv xo‘jaligi vaziri sifatida faoliyat yuritgan.
Qishloq xo‘jaligi vazirining birinchi o‘rinbosari sifatida Teshayev paxtachilik, g‘allachilik, qishloq xo‘jaligini mexanizatsiyalashtirish va qishloq xo‘jaligining suv resurslariga bo‘lgan ehtiyojini tahlil qilish masalalari bilan shug‘ullanadi.
Izoh (0)