Ушбу муҳим соҳадаги ҳамкорлик масалаларини муҳокама қилиш учун қишлоқ хўжалиги вазири Жамшид Хўжаев бошчилигидаги делегация Россияга ташриф буюрди, дея хабар беради Россиянинг Ўзбекистондаги элчихонаси.
Ташрифнинг расмий қисми Россиянинг қишлоқ хўжалиги вазири Дмитрий Патрушев билан учрашувдан бошланди.
Музокараларнинг асосий мавзуси — Ўзбекистондан мева ва сабзавотларни Россияга етказиб беришни ошириш, шунингдек, хўжалик юритувчи субъектларга мазкур таъминотни амалга оширишда ёрдам кўрсатиш бўйича чора-тадбирларни ишлаб чиқиш бўлди.
Ҳамкорлар 2018 йилги натижалар бўйича мамлакатлар ўртасида қишлоқ хўжалиги маҳсулотлари ва озиқ-овқат товар айланмаси 20 фоиздан ошиб, қарийб 550 миллион долларни ташкил этгани қайд этилган. Томонлар келгусида Қишлоқ хўжалиги бўйича қўшма ишчи гуруҳининг йиғилишини ўтказиш тўғрисида келишиб олган.
«Внешекономбанк» раиси Игорь Шувалов билан суҳбат чоғида Россия томони Ўзбекистондан мева ва сабзавот экспортини молиялаштириш имкониятларини кўриб чиқишга тайёр эканини маълум қилди. Яқин келажакда биргаликдаги ишларни имзолаш ва бошлаш учун тегишли ҳужжатлар ишлаб чиқилади.
Изоҳ (0)