Британиянинг олтита OneWeb алоқа йўлдошлари 27 февраль куни Куру космодромидан «Союз» ракета-ташувчиси билан учирилади. Бу ҳақда Arianespace компанияси ижрочи директори Стефан Исраэл маълум қилди.
«Тайёргарлик текшируви 26 февраль куни бўлиб ўтиб, OneWeb’нинг дастлабки олти йўлдошининг 27 февраль куни учирилишига йўл очади», — деб ёзди Исраэл Twitter’даги саҳифасида.
Эслатиб ўтамиз, ушбу йўлдошларнинг учирилиши бир неча бор кечиктирилган эди. Куни кеча OneWeb президенти Грег Уайлер «Бойқўнғир» космодромидан Мисрнинг ЭгйптСат-А сунъий йўлдошини учириш вақтида юзага келган носозлик сабаб OneWeb йўлдошларини белгиланган муддатда учириб бўлмаслигини маълум қилган эди.
OneWeb лойиҳаси бутун жаҳон бўйлаб юқори тезликдаги интернет ва алоқа хизматларини кўрсатиш учун Ер орбитасида кичик космик йўлдошлар тармоғини ташкил этишни назарда тутади.
Изоҳ (0)