Астрономлар Ерга яқин астероидлар гуруҳидан иборат самовий жисмни аниқлади

9 февраль куни АҚШ астрономлари 165 кун ичида қуёш атрофида айланиб чиқувчи астероидни аниқлади, деб хабар берди «ТАСС».

2019АQ3 деб ном олган самовий жисм диаметри 1,6 километр бўлиб, эллиптик орбита бўйлаб айланади ва Қуёш Меркурийга нисбатан яқинроқ келади ҳамда Венера орбитаси ортига қараб узоқлашади.

2003 йилда аниқланган астероидга ҳиндларнинг пауни қабиласи маъбудаси номи билан Атира деб аталган бўлиб, астероидлар гуруҳига ҳам шу ном берилган. Ҳозирда астрономларга бу гуруҳдаги тахминан 20 астероидлар маълум холос.

«Ҳали аниқланмаган бу каби кўплаб астероидлар бўлиши мумкин», — деб таъкидланган Калифорния университети таҳлил марказида.

Астероиднинг дастлабки кузатувлари 4 январь куни Жанубий Калифорниянинг Паломар обсерваториясида жойлашган 122 сантиметрли телескоп ёрдамида амалга оширилган. Ушбу телескоп ёрдамида кузатиш ўтган йилнинг март ойидан бошланган. Унинг ёрдамида астрономлар ҳар уч суткада осмоннинг шимолий ярим шарини кузатишлари мумкин.

Ҳисоб-китобларга кўра, 2019АQ3 астероиди орбитаси 35,4 миллион километр узоқликда жойлашганлиги учун Ерга хавф туғдирмайди.