Россиянинг биринчи бошқариладиган экпедицияси 2031 йилда Ойга жўнайди, шундан сўнг бу каби парвозлар ҳар йили амалга оширилади. Бу ҳақда «Роскосмос» бош илмий институти ҳужжатига таяниб, Sputnik хабар бермоқда.
«Миссия мақсади: Ойга биринчи экипажни етказиш», дейилади 2031 йилга қилинган режада.
2032 йилда Ойга луномобиль ҳамда иккинчи экспедиция экипажини етказиб бериш белгиланган. Уларга «Ой сатҳида ҳаракатланиш воситаларини синовдан ўтказиш» топширилади.
2034 йилда Ой базаси қурилиши бошланиши, 2035 йилда эса қурилиш ишларини давом эттириш белгиланган.
Бошқариладиган экспедициялар олдидан 2028—2029 йилларда иккита синов парвозлари амалга оширилади. Бунда бошқариладиган кема ёрдамида Ой атрофи айланиб чиқилади.
Изоҳ (0)