Ўзбекистон Қозоғистонга кийим етказиб беришда Хитойдан ўзиб кетди

Ўзбекистон Қозоғистондаги кийим-кечак импорти бўйича биринчи ўринни эгаллади. Бу ҳақда Spot хабар берди.

2018 йилда қўшни мамлакат 512,3 миллион долларлик 34,5 минг тонна кийим-кечак импорт қилди. Импорт ҳажми 4,9 фоизга пасайиб, маблағ эса 5,5 фоизга ошди.

Кийим-кечакларнинг аксарият қисми Ўзбекистондан келган (10,1 минг тонна, 18,4 миллион), 2017 йилда Хитой кийим етказиб бериш бўйича етакчилик қилган эди.

Шу билан бирга, Ўзбекистон кийимлари Хитойникига нисбатан бир неча маротаба арзонроқдир, чунки Хитой, ҳажм жиҳатидан камроқ кийим етказиб берган (8,5 минг тонна) бўлса-да, маблағ жиҳатдан эса 83,5 миллион долларни ташкил этди.

Россия йил давомида 6,2 минг тонна (158,2 миллион доллар), Туркия — 4,6 минг тонна (98,5 миллион доллар), Бангладеш — 1,9 минг тонна (42,9 миллион доллар), Қирғизистон — 1 минг тонна (3 миллион доллар), Эрон — 228,7 тонна (133,9 минг доллар) маҳсулот етказиб берди.