Қирғизистон ишчи гуруҳи Қамбарота ГЭС-1 юзасидан музокаралар ўтказиш учун яқин орада Тошкентга келади. Бу ҳақда мамлакат саноат, энергетика ва ердан фойдаланиш давлат қўмитаси раисининг ўринбосари Айтмамат Кадирбаев Қирғизистон парламенти йиғилишида маълум қилди, дея хабар беради «Podrobno.uz».
«Бу масала юзасидан ишчи гуруҳи 2018 йил охирида тузилган. Телефон орқали мулоқотлар ҳам ўтказилган. Улар бош вазирнинг биринчи ўринбосари даражасида муҳокама қилинган», — дея таъкидлади Кадирбаев.
Маълумот учун, Норин дарёсида қуввати 1860 мегаватт бўлган Қамбарота ГЭС-1 қурилиши 1980 йиллар охирида режалаштирилганди. Бироқ шундан бери лойиҳа амалга ошмай келмоқда.
Изоҳ (0)