200 минг доллар гаров пули талаб қилган жиноятчилар мексикалик аёлнинг бошини танасидан жудо қилди

Мексикада жиноятчилар тадбиркор аёлни ўғирлаб кетиб, уни озод қилиш эвазига 200 000 доллар пул талаб қилди, деб хабар берди «Forum Daily».

Аёлнинг калласи узилган жасади катта қора пакетга солинган ҳолда топилди. Пакетга қоғоз ёпиштирилган бўлиб, унга аёл турмуш ўртоғи жиноятчилар талаб қилган пулни бермагани учун ўлдирилгани ёзилган.

Аёлнинг оила аъзолари талаб қилинган суммани топа олмаган.

Сусана Каррерани дугонасининг уйи ёнида ўғирлаб кетишганди. Аёл дугонасиникига боласини олиб кетиш учун келаётган эди.

Кузатув камерасидан олинган видеода жиноятчилар аёлни куч ишлатиб, машина салонига ўтқизгани ва олиб кетганини кўриш мумкин. Ушбу ҳодиса бир неча сониялар ичида рўй берган.

Сусанна ўғирланганидан бир ҳафта ўтиб ўлдирилди. Унинг турмуш ўртоғI Манрикес рафиқаси вафот этгани ҳақида Facebook саҳифасида ёзиб қолдирган.

Эр-хотин Пезалиминио алюминий компанияси эгаси ҳисобланади.

Мамлакат бош прокуратураси ҳолат юзасидан жиноят ишини очган.