Qirg‘iziston ishchi guruhi Qambarota GES-1 yuzasidan muzokaralar o‘tkazish uchun yaqin orada Toshkentga keladi. Bu haqda mamlakat sanoat, energetika va yerdan foydalanish davlat qo‘mitasi raisining o‘rinbosari Aytmamat Kadirbayev Qirg‘iziston parlamenti yig‘ilishida ma’lum qildi, deya xabar beradi “Podrobno.uz”.
“Bu masala yuzasidan ishchi guruhi 2018-yil oxirida tuzilgan. Telefon orqali muloqotlar ham o‘tkazilgan. Ular bosh vazirning birinchi o‘rinbosari darajasida muhokama qilingan”, — deya ta’kidladi Kadirbayev.
Ma’lumot uchun, Norin daryosida quvvati 1860 megavatt bo‘lgan Qambarota GES-1 qurilishi 1980-yillar oxirida rejalashtirilgandi. Biroq shundan beri loyiha amalga oshmay kelmoqda.
Izoh (0)