20 февраль куни Тожикистон президенти Эмомали Раҳмон давлатга қарашли ОАВ вакилларининг катта гуруҳи билан учрашув ўтказди, деб хабар берди ASIA-Plus.
Унда президент давлат босма матбуоти, телевидение ва радио канал раҳбариятига дунёда содир бўлаётган воқеаларга тезкорлик билан эътибор қаратиш, кўпроқ таҳлилий материаллар тайёрлаш вазифасини қўйди.
Шу билар бирга, давлат раҳбари теле ва радиодастурлар Тожикистон давлати манфаатларини ҳисобга олган ҳолда, тожик адабий тил меъёрларига мувофиқ тайёрланиши кераклигини таъкидлаган.
Президент Тожикистон телерадиокомпания раҳбарияти зиммасига мусиқий клипларда унинг суратларидан фойдаланиш ўрнига республиканинг эришган ютуқлари, фуқаролар меҳнати ва мамлакатнинг бетакрор табиат манзарасидан фойдаланиш вазифасини топширди.
Шунингдек, тожик давлат теле ва радио дастурларида фақат профессионал ишчиларни қўйиш кераклигини таклиф қилган.
Изоҳ (0)