21 февраль - Бутунжаҳон экскурсоводлар куни ҳамда Бухоро шаҳрида ўтказилаётган I Халқаро зиёрат туризми форуми арафасида Ўзбекистон Республикаси Адлия вазирлиги Ўзбекистон Республикаси гидлар уюшмасини давлат рўйхатидан ўтказилди. Бу ҳақда вазирлик матбуот хизмати «Дарё» га хабар берди.
Мазкур ташкилотнинг асосий мақсади Ўзбекистонда сайёҳлик соҳасида гидлик фаолияти учун самарали бўлган ижтимоий иқтисодий шарт-шароитлар яратиш, гид касби обрў-эътиборини ошириш ҳамда Уюшма аъзолари фаолиятини ривожлантиришга кўмаклашиш, шунингдек гидлик соҳасини ривожланлантириш, хизматлар кўламини кенгайтириш, гидлар хизматлари сифатини яхшилашда ҳамкорлик қилиш ва кўмаклашиш, гидларнинг профессионал мақомини шакллантириш ва қўллаб-қувватлаш, замонавий бозор иқтисодиётининг муҳим элементи сифатида профессионал гидлар сонини кўпайтириш учун қулай шарт-шароитлар яратишга ёрдам беришдан иборат.
Изоҳ (0)