Тошкент вилояти Йўл ҳаракати хавфсизлиги бошқармаси белгиланган жаримани ўз вақтида тўламаган ҳайдовчиларга очиқ мурожаат билан чиқди. Бу ҳақда ЎзА хабар берди.
Мурожаатда қайд этилишича, вилоят ҳудудидаги автомобиль йўлларида махсус автоматлаштирилган фото ва видео қайд этиш техника воситалари онлайн режимда мунтазам равишда ишлаб турибди.
Жорий йилнинг 20 февраль ҳолатига кўра, белгиланган тезликка риоя этмаган ҳайдовчилар сони 3985 нафарга етган.
Улар орасида белгиланган жаримани ўз вақтида тўламаётган автотранспорт эгалари ҳам бор. Ангрен шаҳридаги 47, Бекобод туманидаги 8, Бекобод шаҳридаги 4, Бўка туманидаги 14, Бўстонлиқ туманидаги 32, Зангиота туманидаги 149, Қибрай туманидаги 46, Қуйи Чирчиқ туманидаги 29, Оққўрғон туманидаги 28, Олмалиқ шаҳридаги 26, Оҳангарон тумани ва шаҳридаги 54, Паркент туманидаги 88, Пискент туманидаги 15, Тошкент туманидаги 15, Ўрта Чирчиқ туманидаги 47, Чиноз шаҳридаги 80, Чирчиқ шаҳридаги 44, Юқори Чирчиқ туманидаги 63, Янгийўл тумани ва шаҳридаги 166 нафар ҳайдовчи шулар жумласидан.
Шу кунларда жаримани тўламай келаётган ҳайдовчилар таъқиб остига олинган. Белгиланган 60 кунлик муддат ўтиб, жаримани тўламасдан юрган ҳайдовчилар бошқарувидаги автомобиллар давлат рақам белгилари ҳозирда ишлаб турган Auto Con махсус мосламаси хотирасига киритилди, бундан ташқари, рўйхат асосида уйма-уй юрилиб, махсус тадбир ўтказилмоқда.
Изоҳ (0)