Ўзбекистон Наманган вилояти Поп туманидаги Қамчиқ ва Қашқадарё вилояти Китоб туманидаги Тахтақорача довонларидан ўтувчи пулли туннеллар қурилишини ишлаб чиқмоқда, деб ёзади «Газета.uz».
Бундан ташқари, Тошкент вилоятида Оҳангарон ва Ангрен шаҳарларини айланиб ўтувчи пулли автомобиль йўлларини жорий этиш масаласи кўриб чиқилмоқда.
Бу ҳақда 20 февраль, чоршанба куни Автомобиль йўллари давлат қўмитасининг биринчи ўринбосари Шуҳрат Назаров журналистларга маълум қилди.
Унинг сўзларига қараганда, пулли туннеллар ва йўллар лойиҳалари тўғридан-тўғри хорижий инвестицияларни жорий этиш орқали давлат-хусусий шерикчилик асосида амалга оширилади. У, шунингдек, Тошкент ва Самарқанд ўртасидаги илк пулли автотрассанинг инвестори ва пудратчиси «оптимал йўналиш» аниқлангандан сўнг танланишини қўшимча қилди.
Изоҳ (0)