Чучвара пишираётган Гулнора Каримова, 2019 йилда тўлиқ ишга тушадиган «Ҳумо» тўлов тизими, футболчи Сирожиддин Сайфиевнинг вафоти ва куннинг бошқа муҳим хабарлари
20 февралнинг эътиборга молик янгиликлари — «Дарё» дайжестида.
Гулнора Каримованинг қизи Имон Instagram’га онаси ошхонада чучвара пишираётгани акс этган видео жойлади.
Гулнора Каримованинг қизи Имон ўз Instagram’даги Stories’га онаси ошхонада чучвара пишириётгани акс этган анимацион сурат эълон қилди. Сурат қачон ва қаерда олингани ҳақида ҳеч қандай маълумот йўқ.
***
Ўзбекистонда 2019 йилда янги тўлов тизими тўлақонли фаолият юритиши таъминланади.
Марказий банк маълумотларига кўра, «Ҳумо» тўлов тизимини 2019 йил мобайнида тўлақонли фаолият юритишини таъминлаш режалаштирилмоқда.
Бугунги кунда «Ҳумо» тўлов тизими учун муҳандислик инфратузилмаларини яратиш ва банк карталари, терминал қурилмалари, банкоматлар харид қилиш бўйича ишлар ҳам параллел равишда амалга оширилмоқда.
***
Саратондан азият чеккан футболчи Сирожиддин Сайфиев вафот этди.
Сайфиев Самарқанднинг «Динамо» клуби сафида 2014 йилда оғир жароҳат олиб, фаолиятини якунлаган эди.
Шундан сўнг бир неча йил давомида саратон билан курашди.
***
Ўзбек қизларига уйланиш жанубий кореяликларга қимматга тушмоқда.
Жанубий Кореяда сўнгги ўттиз йил ичида қишлоқ аҳолиси камайиб кетди. Қишлоқ ҳудудларда аҳолини кўпайтириш учун шаҳар ҳокимлиги хориждан келин сотиб олишга ёрдам бермоқчи.
Бўлғуси келинлар асосан жануби-шарқий Осиёдан сотиб олинмоқда. Бу билан қишлоқдаги аҳоли сонини ошириш режалаштирилган.
Ўзбекистондан қиз олиш эса энг қиммат дея баҳоланмоқда. Бир киши учун 18,3 миллион вон (16,300 доллар) кетади.
***
Термизда она 2-синфда ўқийдиган ўғлини 20 миллионга сотаётганда қўлга олинди.
2019 йилнинг 1 февраль куни термизлик Н.Н. 2019 йил январь ойининг ўрталарида фуқаро Зубайда (исм шарифлар шартли равишда ўзгартирилган) исмли аёл ўзининг ўғли Арслонбекни 25 миллион сўмга сотиш мақсади борлигини ва унинг ушбу ишлари қонунга хилоф эканлигини ва унга нисбатан қонуний чора кўрилишини сўраб Сурхондарё вилояти ИИБ бошлиғи номига ариза билан мурожаат қилган.
