Канаданинг Галифакс шаҳридаги уйда юз берган ёнғинда 7 нафар бола ҳалок бўлди. Бу ҳақда «Корреспондент.net» хабар бермоқда.
Болаларнинг барчаси бир оиланинг фарзандлари эканлиги айтилмоқда. Уларнинг каттаси 17 ёш, кичиги 3 ойлик бўлган. Икки нафар катта ёшдаги одам — эркак ва аёл касалхонага етказилган.
Тонгга яқин уйнинг биринчи ва иккинчи қаватини қамраб олган аланга ўт ўчирувчилар етиб келганидан сўнг кўп ўтмай бартараф этилган. Полиция ёнғиннинг келиб чиқиш сабаблари юзасидан текширув олиб бормоқда.
Канаданинг CTV телеканали гап Суриядан келган оила ҳақида кетаётганини билдирди.
Изоҳ (0)