Фотосинтез қилиш имкониятига эга сунъий барг яратилди

Бутун инсоният сайёрамизда ортиқча иссиқхона газлари муаммосини ҳал қилишга уринмоқда, деб ёзади «TravelAsk».

Олимлар оммавий тарзда тоза ёқилғига ўтишдан тортиб, Ернинг чуқур қатламларига зарарли газларни қуйишгача бўлган турли вариантларни таклиф қилмоқда.

Америка Қўшма Штатлари инсоният цивилизациясининг глобал муаммосига яна бир ечим таклиф қилди. Бу сафар олимлар сунъий барглар ёрдамида карбонат ангидриддан фойдаланишни таклиф қилмоқда.

Табиатнинг ўзи яшил ўсимликлардан фойдаланиб, атмосферадан карбонат ангидридни йўқотишга қодир экан, муҳандислар ҳам унинг намунасига риоя қилишга қарор қилди.

Чикагонинг Иллинойс Университети олимлари лабораторияда фотосинтез жараёнини махсус сунъий қоғоз ёрдамида намойиш қилди.

Табиий аналоглар ҳолида бўлгани каби, назорат остидаги фотосинтез натижасида карбонат диоксид атмосфера ҳавосида сўрилади, бу сув иштирокида ис гази ва кислородга айланади.

Энергия манбаси сифатида қуёш нури чиқади ва катализаторлар ёрдамида баргнинг кимёвий реакцияларни келтириб чиқаради.

Ушбу жараёндаги ножўя маҳсулот бўлган ис газидан ҳам фойдали хом ашё сифатида фойдаланиш мумкин.

Уни органик спирт, ёқилғи ёки бошқа фойдали моддаларни ишлаб чиқариш учун ишлатиш мумкин.