Япониянинг қулаган F-2 қирувчи-бомбардимони учувчилари тирик топилди

20 февраль куни Ғарбий Ямагути префектураси қирғоғида радарлардан йўқолган Япония Мудофаа Вазирлигининг F-2 кўп мақсадли жанговар самолётида бўлган икки нафар учувчи топилган, дея хабар беради «ТАСС».

Иккала учувчи ҳам ҳушида. Айни пайтда Япония денгизига қулаган деб гумон қилинаётган самолётни қидирув ишлари давом этмоқда.

Япония мудофаа вазирлигининг раҳбари Такеси Ивея, парламентнинг қуйи палатаси бюджети комиссиясидаги мунозараларида унинг самолёт қулаши сабабларини ўрганиб чиқаётганини айтди.Иккала учувчи ҳам қутқарилган ва ҳуши жойида.

Айни дамда самолёт қулаши оқибатида ҳеч қандай зарар аниқланмаган. Ҳодисанинг сабаби аниқланмоқда.

Фукуока префектурасидаги Суики базасидан парвоз қилган бомбардимон самолёт бироз вақт ўтгач радар экранларидан йўқолган.

F-2 самолёти 1990 йиллар охирида Япониянинг Mitsubishi Heavy Industries компанияси томонидан Lockheed Martin билан ҳамкорликда F-16 асосида яратилган.