Business Insider нашри дунёда энг яхши смартфонлар 20 талиги рейтингини тузди.
Аккумляторнинг кучлилиги, олинган расмнинг тиниқлиги ва замонавий дизайни туфайли биринчи ўринни Хитойнинг OnePlus 6Т смартфони эгаллаган. Бундан ташқари мутахассислар унинг рақобатдош смартфонларга нисбатан арзонлигини ҳам ҳисобга олган.
Иккинчи ўринни iPhone XR эгаллади. Мутахассислар уни Apple смартфонлари орасида энг яхшиси деб топган.
Учинчи поғонани энг яхши кемерага эга Google Pixel 3 ва Pixel 3 ХЛ смартфони эгаллади.
Биринчи ўнталикка шунингдек, Samsung Galaxy Note 9, iPhone XS ва iPhone XS Max, LG V40, iPhone X, Samsung Galaxy S9 Plus, iPhone 8 Plus ва Samsung Galaxy S9 самартфонлари ҳам кирди.
Иккинчи ўнталикдан эса Samsung ва Apple’нинг бир нечта эски моделлари жой олди.
Мутахассислар Американинг Razer компаниясига қарашли Phone 2 (14 ўрин) ва чиройли дизайни ҳамда овозининг баландлиги ва аккумулятор қувватининг юқорилиги билан ўрин олган Motorola моделлари: Moto G6 ва Moto Z3 (18 ва 19 ўринлар) смартфонларини ҳам қайд этган.
Рейтингнинг энг қуйи поғонасини ушбу рўйхатда qwerty-клавиатурага эга ягона смартфон BlackBerry Key2 эгаллади.
Изоҳ (0)