2019 йилнинг баҳор ойида Apple компанияси янгиланган процессорли iPad mini 5 ва AirPods’нинг яхшиланган овозли ва қора рангдаги иккинчи версиясини, шунингдек, симсиз қувватлантириш учун AirPower гиламчасини тақдим этади. Бу ҳақда TJournal хабар берди.
iPad Mini 5 олдинги авлодларининг дизайни ва ўлчамларини, шунингдек, Lightning разём ва 3,5 миллиметрлик аудиоразёмни сақлаб қолган. Қурилма янги процессорга эга бўлади, бироқ янги авлодники эмас. Apple’ни iPhone 7 ёки А10Х’да ишлатилган А10 планшет чипи билан жиҳозлаш режалаштирилган.
Маълумотларга кўра, AirPods 2 ташқи кўриниши биринчи версиясидан фарқ қилмайди, аммо овоз тиниқлиги оширилади. Компания, шунингдек, Google Pixel 3’нинг орқа панели учун ишлатилганига ўхшаш жилосиз пластикка ўтади.
Бундан ташқари, қулоқчинлар тўқ рангга эга бўлиб, нархи қимматлашади ва 200 доллардан бошлаб сотилади. 2019 йилнинг январь ойида Digitimes нашри AirPods иккинчи авлоди саломатлик кўрсаткичларини кузатиши мумкинлиги маълум қилган.
MySmartPrice манбалари ҳам AirPower’нинг тақдим этишга тайёрлигини тасдиқлаган. Қайд этилишича, Apple қурилмага «эксклюзив» имкониятларни қўшади, аммо улардан iOS 13 чиққанидан сўнг фойдаланиш мумкин.
Гиламча 150 доллар атрофида сотилади. 2019 йилнинг январь ойида Гонконгнинг ChargerLAB сайти Apple компанияси қурилма бўйича муаммоларни ҳал қилган бўлиб, уни ишлаб чиқаришга тайёрлигини маълум қилган.
AirPower 2017 йил сентябрида эълон қилинганига қарамай, ҳали ҳам сотувга чиқмаган. Apple ғоясига кўра, гиламча бир вақтнинг ўзида iPhone, Apple Watch и AirPods’ни қувватлантириши керак. Уни 2018 йилда сотувга чиқариш режалаштирилган, бироқ компания оммавий ишлаб чиқаришда техник қийинчиликларга дуч келган.
Изоҳ (0)