Малайзияда киши ўз жиянининг кўз ўнгида тимсоҳга ем бўлди

Малайзияда дарё бўйида краблар тўплаётган киши ўз жиянининг кўз ўнгида тимсоҳга ем бўлди, деб ёзади Daily Mail.

Воқеа 12 февраль куни содир бўлган. Индонезиялик Муҳ Таҳир Мажид Сям (Muh Tahir Majid Syam) Малайзиянинг Саравак штатидаги дарё бўйида саёҳат қилаётганда йўқолиб қолган.

Унинг 24-ёшли жияни уни қидиришга тушади.

Дарё атрофини кузатаётган йигит унинг сатҳида 40 ёшли тоғасининг боши чиқиб шу заҳотиёқ яна сув тубига тушиб кетганини кўриб қолади.

Ҳалок бўлган киши 13 февраль куни топилади. Унинг танаси бир неча тишланган излардан, денгиз тимсоҳи томонидан ғажиб ташганган деган хулосага келинган.

Қайд этилишича, индонезиялик киши Малайзияга палма плантацияларида ишлаш мақсадида келган.

Денгиз тимсоҳлари кўпинча Борнео, Сабах ва Саравак штатларидаги дарё бўйи ва пляжларда учрайди.

Узунлиги етти метргача келадиган тимсоҳлар кўпинча дам олишга келган одамларга ташланади.

2017 йилдан бошлаб Саравака расмийлари бундай ҳолатни камайтириш мақсадида тимсоҳларни овлаб келмоқда.