Тожикистон Ички ишлар вазири Рамазон Раҳимзода 14 февраль куни бўлиб ўтган матбуот анжуманида терроризм ва экстремизмга алоқадорликда айбланган исёнчи маҳбуслар етти нафар колония ходимини гаровга олган, дея хабар беради «ASIA-Plus».
Унинг сўзларига кўра, улар гаровга олинганлар ортига яшириниб, ҳукуматга турли хил шартлар қўя бошлаган. Вазир исёнчилар томонидан қандай талаблар қўйилганини айтмади.
«Халқни озод қилиш учун махсус кучлар жалб қилинган, афсуски, икки кишини қутқаришнинг имкони бўлмаган, беш нафар гаровдагилар қутқарилган», — дейди вазир.
Аввалроқ матбуот анжуманида Тожикистон коррупцияга қарши кураш бўйича Бош бошқармаси бошлиғи Муҳаммадсаид Файзулозод, ўтган йилнинг 8 ноябрь куни кечқурун тартибсизлик содир бўлган 3/3-сонли Хўжанд колониясининг баъзи ходимлари судланувчиларга нисбатан коррупцион жиноятларни содир этганликларини хабар қилди.
Ходимлар ва маҳкумлар ўртасида қандай коррупция ҳолатлари содир бўлганлиги айтилмаган.
Расмий маълумотларга кўра, Хўжанд колониясидаги қўзғолонда 21 нафар маҳбус ҳалок бўлган: улар асосан терроризм учун судланган.
Хўжанд колониясида қўзғолонни текширишни Тожикистон Бош прокуратурасининг махсус гуруҳи амалга оширади.
Изоҳ (0)