Қўшма Штатларнинг давлат қарзи 22,01 триллион АҚШ доллардан ошиб, тарихий рекорд қайд этди, дея хабар беради «Ведомости».
Президент Дональд Трампнинг ҳукмронлиги даврида давлат қарзи 19,95 триллион доллар кўрсаткичдан 2,06 триллион долларга ўсган.
Унинг ўсишига таъсир қилган асосий омиллардан бири 2017 йилнинг декабрь ойида солиқнинг пасайганлиги бўлган.
АҚШ Конгресс бюджети жорий молия йилда 897 миллиард долларлик дефицитга эга бўлишини тахмин қилмоқда, бу эса ўтган йилги 779 миллиард доллардан 15,1 фоизга кўпдир.
Экспертлар 2022 йилдан бошлаб йилига ўртача 1 триллион доллардан тушмаслигини тахмин қилмоқда.
2018-молия йилида АҚШнинг умумий қарзи ялпи ички маҳсулотнинг 78 фоизини ташкил қилди. Ҳеч қандай ўзгариш бўлмаса, 2028 йилга келиб у ЯИМнинг 96 фоизига етади.
Изоҳ (0)