Украина президентлигига номзод ва «Батковшина» партияси етакчиси Юлия Тимошенко янги ҳукумат бир вақтнинг ўзида бир нечта йўналишларда ҳаракат қилишини маълум қилган, дея хабар беради «Коммерсантъ».
«Биз нафақат ишғол қилинган Қрим ва Донбасс ҳудудларини қайтариб олишимиз керак, балки бунинг учун Россияни жавобгарликка тортишимиз керак», — дейди Тимошенко Дрогобич аҳолиси билан учрашувда.
2018 йилнинг октябрида у президент сайловларида ғалаба қозонадиган бўлса, Донбасс ва Қримнинг ишғол қилингани учун Россиядан товон пули ундиришни режалаштираётганини айтган. Юлия Тимошенконинг сўзларига кўра, украиналиклар 100 миллиард Еврога яқин товон пули олишлари мумкин.
Украинада сайловлар 2019 йилнинг 31 март куни ўтказилади. Украина президентлигига номзод сифатида 44 нафар номзод рўйхатдан ўтган, 7 мартга қадар уларнинг ҳар бири ўз номзодини қайтариб олиши мумкин. Сўровнома натижаларига кўра Владимир Зеленский, Юлия Тимошенко ва Петро Порошенко президент пойгасида етакчилик қилмоқда.
Изоҳ (0)