Ўзбекистонда уй-жой жамғармаси ва коммунал инфратузилмани тубдан янгилаш амалга оширилмоқда. Қурилганига ярим асрдан зиёд бўлган баъзи эски бинолар ўрнида янги замонавий, ҳар жиҳатдан қулай уйлар қад ростламоқда. Бу ҳақда ЎзА хабарида айтилади.
Янги кўп қаватли уй-жой биноларини лойиҳалаштиришда сўнгги телекоммуникация стандартлари қўлланилмоқда ва натижада аҳоли энг замонавий АКТ хизматларидан фойдаланиш имконига эга бўлмоқда.
Янги қурилаётган уйлар соҳибларининг телекоммуникация тармоқларига уланишини енгиллаштириш ва жадаллаштириш учун «Ўзбектелеком» АК томонидан ҳар ҳафта кўчма тадбирлар ўтказилмоқда. Бу акциялар байрам тадбирлари кўринишида ўтмоқда. Бунда янги массив ҳовлилари тўғрисида кўчма сотув офислари ташкил этилмоқда. Телекоммуникация хизматларидан фойдаланишга шартнома тузиш учун хонадон эгаларининг ҳовлига чиқиши кифоя.
Компаниянинг янги акциясига мувофиқ, интернетга уланиш хизматларини кўрсатишга шартнома тузишда абонентлар зарур жиҳозларни 95 фоизгача чегирма билан харид қилиши мумкин.
Барча кўчма тадбирлар янги қурилган уйлар эгалари кўчиб ўтган илк кундан бошлаб ишончли, замонавий алоқа хизматлари билан таъминланиши учун ўтказилмоқда.
Изоҳ (0)