Тожикистоннинг Сўғд вилояти, Айни шаҳрида жойлашган тергов изоляторида 70 ёшли Истад Қурбонованинг ўз жонига қасд қилишга уринишидан сўнг туман ИИБ ходимлари ишдан олинди. Бу ҳақда ASIA-Plus хабар берди.
Маълум бўлишича, январь ойи бошларида Истад Қурбонова «Строительство СТД» корхонаси ҳудудида ер участкасини ўзбошимчалик билан эгаллаб олишда айбланиб, ҳибсга олинган. 17 январь куни тергов изолятори мажлисида ўзини ёқиб юбориш йўли билан ўз жонига қасд қилишга уринган ва туман касалхонасига ётқизилган.
Шундан сўнг Сўғд вилояти прокуратураси аёлга эҳтиёт чораси сифатида четга чиқиб кетмаслик ҳақида тилхат ёздириб олган.
Аёлнинг сўзларига кўра, у ерни ўзбошимчалик билан эгаллаб олмаган, омборхона ва ҳаммом қурилган ерни эса Собиқ Иттифоқ давридаёқ олган.
Ушбу ҳодиса сабабли туман ИИБ ходимлари Идибой Зиёев, Саидали Арбобов ва Абдуқодир Ғаффоровлар ишдан бўшатилган.
Тергов изолятори назоратчиси Шарифа Мирзошариповага нисбатан эса прокуратура тергов ишлари олиб бормоқда.
Изоҳ (0)