31 январь куни Малайзиянинг янги қироли этиб сайланган Паханг штати ҳукмдори Тенгку Абдулла тахтга ўтирди. Бу ҳақда «ТАСС» хабар берди.
Қироллик вакиллари, ҳукумат аъзоларидан иборат 500 га яқин киши ташриф буюрган тантанали маросим Истана Негара саройида бўлиб ўтган.
Тенгку Абдулла Ҳукмдорлар кенгаши томонидан яширин овоз бериш йўли билан 24 январь куни қиролликка сайланган. Қирол иккинчи муддатга қайта сайланиш ҳуқуқисиз беш йил муддатга сайланади. Номзодлар 1957 йилда қироллик лавозими ташкил этилганида биринчи марта тузилган рўйхат асосида аниқланади.
Тенгку Абдулла ўрта маълумотни Малайзияда олган, кейин эса Сандхерстдаги Британия Қироллик ҳарбий академиясида ўқишни давом эттирган. Маълумотларга кўра, у поло ўйинига қизиққан. Айни пайтда у ФИФА аъзоси ҳисобланади. Аввал эса Малайзия Футбол ассоциацияси раҳбари бўлган.
Изоҳ (0)