Британия шаҳзодаси Гарри ёшлигидан қироллик оиласига хос бўлмаган хатти-ҳаракатлари билан ҳаммани ҳайрон қолдирган. Турмуш ўртоқ танлашда ҳам ўзига мос аёлни танлаган. Бу ҳақда Forum Daily Woman хабар берди.
Шаҳзода 17 ёшида гиёҳванд моддалар ва ноқонуний алкоголь ичимликларидан истеъмол қилгани учун махсус муассасага жойлаштирилган эди. Кейин эса армияда турли жанжаллар чиқарган.
Рафиқаси сифатида ҳам худди ўзига ўхшаб, доим танқидга сабаб бўладиган ва атрофдагилар нима ўйлашидан хавотр олмайдиган аёлни танлаган. Ярим афроамерикалик, унинг устига аввал турмуш қуриб, ажрашган Меган Маркл саройда тақиқланган ишларни бажармоқда.
Қиролича билан кутилган Рождество
Ўтган йили декабрда ҳали келин бўлишга улгурмаган Меган Рождествони Кенсингтон саройида қироллик оиласи билан нишонлаган. Бу эса қироллик қоидаларига тўғри келмайди.
Тирноқларга суртилган ёрқин бўёқ
https://www.instagram.com/p/BrP6D0LhcVq/?utm_source=ig_embed&utm_campaign=embed_video_watch_again
30 йил давомида қиролича Елизавета тирноқларини оч пушти рангда бўяган. Бу қиролича ишлатадиган оддий тирноқ бўёғи эмас, балки у саройда кўришни хоҳлаган ягона бўёқ эканини ҳамма билган. Қолган барча ранглар вулгар ҳисобланади. Аммо Меган ҳомиладор пайтида мода кўргазмаларининг бирига қора кўйлакда ва тирноқларига бургун виносининг рангидаги бўёқ суртилган ҳолда борган.
Меган Vanity Fair муқовасида
Аввал ҳам қироллик оиласи аъзолари журнал муқоваларида чиқишган. Лекин ҳали никоҳ ўқилмасдан туриб, Гарри билан шахсий ҳаёти ҳақида журналистларга ҳамма нарсани очиқ айтган ягона аёл Меган бўлган. Консерватив британияликлар учун бу ёқимсиз ҳол бўлган. Аммо кенг фикрлайдиган одамлар Меганни тўғри қабул қилишган: ёш жуфтлик бир-бирини қаттиқ севади ва бутун дунёга бахти ҳақида жар солишга тайёр.
Ўз ўзига швейцар
Меган Сассекс герцогиняси унвонини олгандан кейин бўлган воқеа ҳаммани ҳайрон қолдирган. Ўша куни у эри билан Лондон қироллик академиясига борган. Машинадан қимматбаҳо кўйлакда тушган Меган эшикни ўзи ёпган.
Елкага осилган сумка
2018 йил 13 февраль куни Меган Эдингбург қасрига машҳур бренд либосларни кийиб борган. Аммо кичик детал ҳамма уринишни йўққа чиқарган — у сумкасини елкасига осган. Бу телефон, лаб бўёғи ва бошқа майда нарсаларни олиб юриш учун қулай, аммо қироллик оиласида бундай қилинмайди. Анъанага кўра, қизлар қўлида клатч кўтариб юради. Бу билан қўл сиқиб кўришишдан ўзини ҳимоя қилади.
Айвонга илк бор чиқиш – енгсиз кўйлак
Меган 2018 йил 9 июнда қиролича Елизаветанинг туғилган кунида Букингем саройирининг айвонидан биринчи марта кўринган. У енгсиз оч пушти кўйлак кийиб олган эди. Қиролликнинг ёзилмаган қонунларига кўра, бундай тадбирлар учун енгсиз кўйлак ўта очиқ кийим ҳисобланади.
Изоҳ (0)