Жорий йил 28 январь куни соат 21:00 да Қирғизистоннинг Боткен вилоятида Ўзбекистон фуқаролари иштирокида йўл-транспорт ҳодисаси рўй берди. Бу ҳақда ФВВ матбуот хизмати хабар бермоқда.
Боткен тумани ҳудудидан ўтувчи Ўш—Боткен—Исфана йўлининг 207-километрида ҳаракатланиб келаётган, давлат рақами 40 Д 091 PA бўлган Nexia автомобили қарама-қарши йўлда ҳаракатланиб келаётган Қирғизистоннинг Mersedes-sprinter фургон машинаси билан тўқнашди.
ЙТҲ оқибатида ҳайдовчи ҳамда унинг 4 нафар йўловчиси (Ўзбекистон фуқаролари) воқеа жойида ҳалок бўлди. Уларнинг жасади Боткен туман шифохонасига олиб келинган.
Изоҳ (0)