КХДР ҳукумати Жанубий Кореяни ҳарбий машқлардан воз кечишга чақирган, дея хабар беради «ТАСС».
Ҳарбий машқлар Корея ярим оролидаги тинчлик ва мулоқот муҳитига путур етказиши мумкинлиги қайд этилган.
Мақолада келтирилишича, Жанубий Корея ҳарбий ҳукумати йил бошидан буён кўплаб қўшинларни сафарбар қилиш орқали ҳарбий машқлар ўтказмоқда.
Январь ойи бошида Жанубий Корея томонидан амалга оширилаётган терроризмга қарши кураш машғулотлари, шунингдек ҳарбий бюджетини ошириш ва АҚШдан янги қирувчи технология сотиб олиш нияти катта ҳавотир уйғотмоқда.
«Шимол ва Жануб тинчлик ва фаровонлик йўлида ҳаракат қилиш истаги бор экан, барча ҳарбий машқлар ва чет элдан ҳар қандай ҳарбий техника сотиб олиш тўхтатилиши керак», — деган эди Ким Чен Ин ўзининг Янги йил табригида.
2018 йилнинг 27 апрелида бўлиб ўтган саммитда Корея Республикаси президенти Мун Чжэ Ин ва КХДР Давлат кенгаши раиси Ким Чен Ин икки мамлакат ўртасидаги муносабатларда душманлик ҳаракатларини тўхтатиш бўйича баёнотга имзо чеккан.
Шимолий ва Жанубий Мудофаа вазирлари Мун Чжэ Иннинг 18—20 сентябрь кунлари Пхеньянгга қилган ташрифи давомида Корея ярим оролини ажратиб олган ҳарбийлар ўртасидаги зиддиятларни камайтириш ва ҳарбийлар ўртасидаги тўқнашувларни бартараф этишга қаратилган ҳужжатни имзолаган.
Изоҳ (0)