Киевнинг Оболон туман суди Украинанинг собиқ президенти Виктор Януковични давлатга хоинлик учун 13 йилга озодликдан маҳрум қилди. Бу ҳақда «РИА Новости» хабар берди.
Шунингдек, собиқ президентнинг мулкини ҳибсга олиш ҳақидаги қарор ҳам ўз кучида қолган.
Аввалроқ судья Януковични мазкур иш бўйича айбдор деб тан олган.
Ҳукмни эълон қила туриб, судья собиқ президентнинг айби ишончли далилларга эга эканлигини маълум қилган.
Януковичнинг адвокатига кўра, барча айбловлар фақат прокурор томонидан тақдим этилган актга асосланган.
Эълон қилинган ҳукм сиртқи ҳисобланади, чунки собиқ президент 2014 йилдан буён мамлакатдан ташқарида.
Изоҳ (0)