23 январь куни Москва округи ҳарбий суди уч нафар Ўзбекистон фуқароси ва 8 нафар Қирғизистон фуқаросини Россия федерацияси жиноят кодексининг 205-моддасида кўзда тутилган жиноятни содир этганликда айбдор деб топди, деб хабар беради «Anhor.uz».
Қайд этилишича, Қирғизистон фуқаролари М.Воҳидов, Д.Воҳидов, I.Расулиллаев, Т.Мирзажонов, Ш. Умаров, У.Фахриддин, Р. Тўрақулов, Ш.Эсенбаев, Ўзбекистон фуқаролари Б. Маҳмудов, Ф. Қодиров, Ш. Исроилжоновлар ИШИД террорчилик гуруҳига қўшилиб, Москва ва Санкт-Петербургда қўлбола портлаш мосламалари ва ўқотар қуроллардан фойдаланиб, теракт содир этишни режалаштирган.
Айбланувчиларга нисбатан олти йилдан 18 йилгача озодликдан маҳрум этиш жазоси тайинланди. Улар жазони қатъий тартибли колонияларда ўтайди.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)