Малайзиянинг янги қироли этиб Паханг штати ҳукмдори султон Абдулла Султон Аҳмад Шоҳ сайланди, дея хабар беради «Интерфакх».
Расман подшо ўз тахтини 31 январь куни эгаллайди. Малайзия қироли беш йилга сайланади.Абдулла Султон Аҳмад Шоҳ айрим халқаро спорт ташкилотларида асосий шахслардан, хусусан ФИФА кенгаши аъзоси саналади.
Қирол номзодига овоз бериш 13 та мамлакат штатлари раҳбарларидан таркиб топган Малайзия ҳокимлари конференциясида ўтди. Овоз бериш ҳуқуқи конференциянинг тўққиз нафар иштирокчисида бўлиб, айнан уларнинг ўзи қирол бўлиб сайланиши мумкин.
Бўлғуси қирол 1957 йилда тузилган штатларнинг рўйхати асосида сайланади.Қироликка номзод лавозимига тайинланиш учун бешта овоз йиғиши лозим. Агар номзод етарли овоз тўплай олмаса, конференция иштирокчилари рўйхат бўйича кейинги номзодга овоз беради. Паханг султонининг етарли овоз тўплаши даргумон эди, сабаби у штат раҳбарлигига 15 январь куни тайинланган.
Изоҳ (0)